Ambasadat amerikane dhe britanike në Beirut kanë këshilluar qytetarët e tyre që të largohen nga Libani, pas rritjes së tensioneve në kufi midis Izraelit dhe Hezbollah për shkak të luftës së Izraelit me Hamas.

Të dy vendet kishin paralajmëruar tashmë qytetarët kundër udhëtimeve në Liban.

“Ne rekomandojmë që qytetarët amerikanë në Liban të marrin masat e duhura për t’u larguar nga vendi”, thuhet në një deklaratë të ambasadës amerikane.

Një paralajmërim i ngjashëm u lëshua nga ambasada britanike, e cila tha: “Nëse jeni aktualisht në Liban, ju inkurajojmë të largoheni tani. Shtetasit britanikë duhet të tregojnë kujdes dhe të shmangin zonat ku mund të mbahen demonstrata,” thuhet në njoftim.

Sulmet e pamëshirshme izraelite në Gaza kanë vrarë të paktën 3,724 njerëz, kryesisht civilë, sipas zyrtarëve shëndetësorë në territorin e drejtuar nga Hamasi.

Shumë vende arabe dhe perëndimore kanë inkurajuar tashmë shtetasit e tyre që të shmangin udhëtimet në Liban ose të largohen, me Arabinë Saudite të mërkurën që u bëri thirrje qytetarëve të saj të largohen “menjëherë” nga Libani dhe Kuvajti.

Franca, Gjermania, Kanadaja dhe Australia gjithashtu kanë paralajmëruar kundër udhëtimeve në Liban, ndërsa Spanja ka këshilluar kundër udhëtimeve jo thelbësore./abcnews.al